 |
| Gambar pixabay |
“ pul... pul… tangi wis
awan gagiyan…”
“apa sih mane !!” sepul njawab karo ngosog. “ kaeh ustad
dopir nggoleti…” jare yu darsih, manene sepul
“esih turu wa…??” suarane ust ad dopir sing njaba. “ ora kah
kie pan raup disit…” jawabe yu darsih.
Ceritane esuk kue ustad dopir pan melu takon bahasan
pengajiane kang sudin lagi bengi, sekalian bari ngopi gratis mbuapa neng umae sepul. Ustad dopir lagi bengi ora bisa melu soale ana undangan ndongani
akekahan neng desa sebrang.
Ora sue ndadake sepul nongol karo ngawa kopi kebul-kebul.
Sepul wis paham, mesti wis langganan ari
ustad dopir esuk-esuk wis ngampreng mono ya mesti pengin ngopi gratis.
“ wis awan ganing ndekok bae…. Model-model wong kaya kue neng
ora dilirik-lirik acan goneng kaji roup juragan bawang owh..” ustad dopir ngledek,
“primen pul bahasan pengajian lagi bengi..” ustad dopir
takon. “ embuh tad, wong nyong ya rada-rada ngantuk..” jare sepul. “lagi bengi
tah kayong ana sinar jaya-sinar jayane…?” sepul njelasna maning.
Tembe ngobrol sedelat jebule wasropi teka, wasropi kue bocah
sing rada edag-edeg, tembe ngerti agama wingi sore tapi lagake sok kemustad,
apa-apa karam, apa-apa kapir. Krungu kandane wong-wong tah deweke olih gaul
karo wong sing jenggote dawa toli klambine ting kedabrah.
Akeh wong sing rada sengit karo kelakuane, sing paling anyar
wingi waktu adine disunati, deweke mencak-mencak kaya jaran lumping di pareni.
Dumehen ana wong ngobong menyan neng damar panggung, lha wis gadi adat neng
desa lamon ana wong gremengan mesti ya ana damar panggunge toli mesti di tawuri
menyan, mbuh kue sunatan mbuh kue kawinan. Jare moni sirik, kapir, karam toli
mbuh apamaning, pirang-pirang dalil ditokna. Ahire deweke mrengut lunga ora gelem
ngrewangi wong tuane gremengan.
“ Ee… kayong esuk-esuk wis gobrol luged tad ??” wasropi takon maring ustad dopir. “iya kie
ngaro ngopi karo takon pengajian lagi bengi neng kang sudin..” jare ustad
dopir. “ ora… kue mau krungu-krungu moni ana sinar jaya ne keding dongene
mbahas apa..?” wasropi takon. “ mbuh, pertamane tah kanda agama kue jare kur
gadi kendaraan, lha ujug-ujug anjoge sinar jaya..” jawabe sepul.
“ Pancen tah iya neng…” ustad dopir ngiyani. “ Ya ora
bisa…!!” wasropi langsung nyangkal karo menyat tangi. “ Agama ora bisa di
padakna karo perkara dunia sing hina.. penistaan kue arane… !!!” wasropi
mrusah-mrusah cangkeme karo nuding-nuding. “ his… engko disit, dirongokna disit
gen aja langsung esmosi..” ustad dopir nengai, sepul tah mrekecet pan nguyup
kopi be ndadake ora sida.
“ Nyong ora terima agamane nyong di padakna karo bis sinar
jaya, apamaning sinar jaya jare deke cina Jakarta oya ?? bli sudi nyong, kere
ora owh..” wasropi esih mencak-mencak , “ Sapa sih sing ngomong ? si Sudin kae
oya.. dukun anyar-anyaran ?? tak demo
ngko, batire nyong akeh ikih tak bel saiki be neng mesti langsung pada teka..!!
Ustad dopir ngelus dada tok, “ gyeh pi.. sampean aja
mencak-mencak disit kaya kue, di pahami disit, di telaah disit, aja keri
tabayyun disit maring kang sudin, mengko mbokan jebule koen sing salah paham
mbati engkone isin dewek..?” jare ustad
dopir.
“ apa tad, wajayun ?” sepul takon karo cengengesan. “
wajayun patakmu ruag..? wa jayun tah kae owh sing kebone akeh..” jawabe ustad
dopir setengah dugal.
“Tabayun kue nyocogna berita, bener apa salah, klari..
klassi.. ke.. ke.. “ “KLARIFIKASI..!!!” wasropi nutugna karo cangkeme mecucu. “
nah kue iya…” ustad dopir mbenerna. “ koen aja maen hakim dewek… wis ari koen
ngandel nyong ya mengko sore dolan bareng yuh maring kang sudin” . jare ustad
dopir karo kloyong balik, soale ari ditutugna neng kono ya kayong bati tukaran
tok.
***
Sore kue ahire wong telu kue sida nekani kang sudin.
“ lam lekum…” sepul mongkot-mongkot ngarep lawang.
“ Wa’alaikum salam warohmatulloh wabarokatuh…” kang sudin
njawab sing pinggir umah.
“ idih-idih kadengaren temen wasropi gelem dolan maring umae
aku yah..” kang sudin ngledek wasropi sing raine mbesengut. “ ya mene.. mene..
pada njagong njero gian..” kang sudin ngejak mlebu.
“kayong ana perlu apa sedulur.. tumben-tumbene sore-sore
rombongan pada mene..?” kang sudin nakoni. “ nyong ora trimaa !!!!” wasropi
langsung mbentak. Ustad dopir langsung nlonyor endase wasropi “ raimu sing
sopan..!!!” ustad dopir melu kegawa emosi.
Kang sudin tah plesam-plesem tok ndelengna polae ustad dopir
karo wasropi, ari sepul tah biasa owh mrekecet, ndregdeg dengkule ya gemeteran.
“ora trima kenanngapa pi..? takone kang sudin lemes alus.
“kye….” Durung tutug wasropi pan ngomong ustad dopir
langsung nylandak tangane kaya wong nyetop bis.
“kye kang sudin.. asale aku esuk-esuk ngopi karo si sepul,
aku takon masalah pembahasan pengajiane rika wing bengi, lha sepul monine rada
ora jelas wong rada ngantuk, anjoh-anjoge ana moni agama kaya kendaraan kaya sinar
jaya bla.. bla.. bbla..! ujug-ujug si wasropi teka langsung nyamber bae kaya
bengsin, ora trima…” ustad dopir njelasna kmrutug.
“iya nyong ora trima yah.. mesti kue tah…!!! Agamane nyong
masa di padakna karo sinar jaya ? karam kue manjinge ..” wasropi sruangan,
raine mulai abang ireng.
“is..is.. is..” kang sudin kecrek kaya dalang
“ wong masalah semono be ribute kaya ora kebagian bhe el
tee..?” kang sudin ngomong maning. “
"ari ora salah kue, panjenenganipun kyai ageng mbah Nur Alam pernah njelasna bahwa agama iku cuma washilah, lah menawi ahirat niku ghoyah.." kang sudin kandah rada serius.
"Saiki tak takon karo rika-rika kabeh kye sing neng kene, Agama kue tujuan apa wasilah ?” kang sudin takon.
"ari ora salah kue, panjenenganipun kyai ageng mbah Nur Alam pernah njelasna bahwa agama iku cuma washilah, lah menawi ahirat niku ghoyah.." kang sudin kandah rada serius.
"Saiki tak takon karo rika-rika kabeh kye sing neng kene, Agama kue tujuan apa wasilah ?” kang sudin takon.
“ washilah kang…” jare ustad dopir
“jare sampean pi..?” kang sudin takon wasropi,
“ ee.. ee.. wasilah sih apa ? wasropi takon (akale takon
tetep bae lambene muncis)
“ compong…!!! Wasilah be durung paham ka edeg “ ustad dopir
tambah gregeten
“ Wasilah kue cara brebese gantar, alat, kendaraan” jawabe
kang sudin.
" Ghoyah kue artine tujuan.... " kang sudin nglanjutna,
“ semono uga parte politik sing tujuane nggo gawe lantaran
eben uripe wong sanegara kue ana sing ngatur ora mlaku dewek-dewek, semono uga
agama, agama Cuma gadi kendaraan kanggo hambane gusti alloh sing pengin kenal,
perek lan madep karo kuasane gusti aloh endah uripe adem, tentrem, jejeg, Ajeg”
“ tak contohna sing gampang wis, sampean pan waring Jakarta
umpamane, kan mesti nganggo kendaraan sing jurusane pan maring jakarta endah gelis, kendaraan kue werna-werna
ana bis, ana kereta, ana kapal mabur, bis esih werna-werna, ana dewi sri ana
dedi jaya ana sinar jaya pirang-pirang maning. Semono uga kereta karo kapal
mabur.”
Bojone kang sudin jebol sing njero nggawa kopi karo jaburan.
“ srupuuut….” Kang sudin nguyup kopi, “ Monggo di sambi riyin owh mas…” Jare
bojone kang sudin.
“ dinungi tad endah waleh…” jare sepul karo nglirik maring
ustad dopir,
“ ergh…Errg…!! (dehem) lha saiki tak takon maning, sinar jaya kue
tujuan apa lantaran ? neng mesti pada njawabe lantaran krana Cuma dadi
kendaraan oya ? toli ana ? umpamane wong wis anjog Jakarta toli bise di kekepi
bae ora gelem mudun ? kang sudin nglanjutna,
Kaya kesirep, ustad dopir, wasropi karo sepul ndase
godeg-godeg bareng.
“nyong sampean kabeh kue lagi pada mlaku luruh dalan endah
perek karo rahmate gusti alloh sing di ikhtiari karo nglakoni tuntunan agama.
Lha wong –wong , ari mlaku luruh dalan maring rahmate gusti alloh juga carane
beda-beda tergantung pemahaman karo keimanane, imane sawiji-wijine wong kue ora
pada..” kang sudin nglanjutna maning.
“ Ana sing percayane nganggo tuntunane agama islam, ana
maning sing percaya karo tuntunane agama Kristen, Budha, Hindu, Konguchu lan
werna-wernane. Tujuane tetep siji yakue endah perek karo sing kuasa tur bisa
nglakoni urip sing bener, sing cocog karo ajaran agamane ”
“ saiki umpamane, ustad dopir pan waring Jakarta numpake
kapal mabur sing sadelat, cepet anjog, alesane, numpak kapal mabur krana ana sing ngabari jakarta di kepung banjir,
krana percaya pesti bis mbuh kereta ora bisa mlebu, jalan siji-sijine ya kapal
mabur”.
“ Wasropi pengine
nganggo kereta sing ora bisa kejebak macet, alesane wasropi maning padane,
numpak kereta tetep anjog wong rel keretane duwur ora kenang banjir”. Lha sepul senenge bis sinar jaya sing cepet, mlebu
tol, toli turune lali, jare sepul numpak sinar jaya bisa lewat maring dalan tol
sing duwur ya ora kenang banjir”
“ nah kabeh mau
tujuane siji pan maring Jakarta, wondene kendaraane beda-beda ya salah sijine
aja sewot, sing penting kan anjog ? sing wis numpak kapal mabur umpamane ya ora
kena jengkel karo sing pilihane numpak bis atawa numak kereta, wong keyakinane
dewek-dewek”.
“ sing penting aja pada saling ngrusui pilihane wong liya,
umpamane di rusui ya aja diladeni, ngko ora anjog-anjog owh perjalane, gudu
moni temungkul luruh dalan sing penak di lewati malah lirak lirik ngrusui
dalane batire, dalane dewek be durung tentu pan anjog mbuh belih malah ngregoni dalane batire.. ”
“ Kaya dewek wenange mekur ngemutna, ari pan numpak kereta
ya sing ati-ati umpamane …” kang sudin nerangna karo sabar.
“ Owh… Kaya kue ya kang..” Ustad dopir mantuk-mantuk.
Wasropi tah kayong durung patia puas karo penjelasane kang sudin, “ A.. Ari….”
Durung tutug wasropi ngomong jebule.. “ Allahu akbar.. Allahu akbar…” suara
adan wis nyruang-nyruang sing mushola neng tengae desa.
“ ya berubung wis magrib, mengko pembahasane di tutugna lia
waktu maning ya tong..” jare kang sudin karo menyat tangi.
Ustad dopir, wasropi karo sepul ahire kloyong balik.
*Bersambung*
Tangerang, 11 januari 2017